Udhëheqësit e NATO-s do të marrin vendime mbi sigurinë afatgjate në samitin e ardhshëm

Udhëheqësit e NATO-s janë të gatshëm të marrin vendime për të ofruar sigurinë afatgjatë, deklaroi kreu i aleancës ushtarake, raporton Anadolu Agency (AA).

Udhëheqësit do të mblidhen të hënën në Bruksel për herë të parë që nga viti 2018, ndërkaq, takimi i nivelit të lartë do të hapë një kapitull të ri në historinë e aleancës duke rënë dakord mbi "një agjendë ambicioze dhe largpamëse të NATO-s për vitin 2030", u tha Jens Stoltenberg gazetarëve.

Ai tha se është një moment i rëndësishëm për aleancën që t'u përshtatet sfidave, të tilla si "Rusia dhe Kina, që i kundërvihen rendit ndërkombëtar të bazuar në rregulla, kërcënimi i vazhdueshëm i terrorizmit, sulmet e sofistikuara kibernetike, teknologjitë shqetësuese dhe ndryshimet klimatike".

Stoltenberg tha se koncepti strategjik i grupit duhet të rishikohet pasi bota ka ndryshuar që nga miratimi i tij në vitin 2010.

Ai pret që udhëheqësit do t'i japin mandatin për të punuar në konceptin strategjik që do të miratohet në vitin 2022.

"Misioni im është një angazhim i qartë nga aleatët për të ulur ndjeshëm misionet ushtarake dhe që NATO të kontribuojë në synimin zero emetime", tha ai.

Koncepti i ri ka për qëllim gjithashtu të adresojë sfidat e rritjes së ndikimit të Kinës, e cila nuk është përmendur më parë, si dhe të trajtojë qasjen e një Rusie më agresive me të cilën NATO ka "një nga pikat më të ulëta të marrëdhënieve të saj që nga Lufta e Ftohtë".

"Samiti gjithashtu do të marrë vendime rreth përdorimit të fushave të reja operacionale, kibernetikës dhe hapësirës", theksoi shefi i NATO-s.

Udhëheqësit e NATO-s gjithashtu do të miratojnë një politikë të re të mbrojtjes kibernetike bazuar në konsultimet politike dhe planifikimin ushtarak për të mbajtur t'i sigurta sistemet e NATO-s.

Stoltenberg pret që "të dërgojë një mesazh të qartë në samit se NATO është e vendosur të mbrojë veten në mënyrë efektive si në hapësirë, ashtu edhe në çdo fushë tjetër e tokës, detit dhe ajrit".

Udhëheqësit gjithashtu do të miratojnë një politikë të re mbi dhunën seksuale që lidhet me konfliktet.