Awad Rjoob,Çağrı Koşak
06 shkurt 2025•Përditësim: 06 shkurt 2025
Ushtria izraelite hodhi në erë hyrjen e një xhamie në qytetin Tammun të Bregut Perëndimor dhe ndaloi banorët të dilnin në rrugë.
Aktivisti palestinez Ayman Gharib tha për Anadolu se hyrja e xhamisë Hudhayfah ibn al-Yaman në qytetin Tammun në veri të Bregut Perëndimor u sulmua nga forcat izraelite.
Duke theksuar se ushtarët izraelitë kanë vazhduar sulmet e tyre në Tammun për katër ditë, Gharib vuri në dukje se ata kanë vendosur një shtetrrethim që nga orët e mëngjesit dhe kanë bastisur shtëpitë dhe kanë arrestuar palestinezë.
“Në disa raste, për lindje, pritet me orë të tëra që të vijë ambulanca”, tha ai.
Ministria palestineze e Shëndetësisë ka njoftuar se 25 palestinezë janë vranë në sulmet e nisura nga ushtria izraelite më 21 janar në qytetin dhe kampin e refugjatëve Jenin, si dhe qytetet përreth, në veri të Bregut Perëndimor të pushtuar.
