BB i aprovoi Malit të Zi 80 milionë euro

PODGORICË (AA) – Banka Botërore (BB) ka miratuar mbështetje financiare për Malin e Zi prej 80 milion euro, që do të mundësojë huamarrjen e shtetit nga 200 deri në 240 milionë euro, në kushte më të favorshme dhe me normë më të ulët të interesit, raporton Anadolu Agency (AA).

Siç njoftoi Ministria e Financave, mjetet e siguruara do të përdoren për të financuar buxhetin vitin e ardhshëm, duke marrë parasysh mundësinë e rifinancimit të borxhit ekzistues në vitin 2018.

"Në të njëjtën kohë, ekziston mundësia që fondet e BB-së të përdoren për të rifinancuar një pjesë të detyrimeve në bazë të eurobonove, të cilat do të jenë në periudhën 2019-2021", thuhet në njoftimin.

Marrëveshja synon forcimin e stabilitetit makroekonomik dhe përmirësimin e standardit të jetës së qytetarëve.