Tregtia globale e BE-së bie në qershor në mes të pandemisë

Eksportet e Bashkimit Evropian vazhduan të bien në qershor në mes të pandemisë së koronavirusit të ri (COVID-19), bëri të ditur Zyra evropiane e statistikave, transmeton Anadolu Agency (AA).

Eksportet e bllokut ranë me 9.6 për qind në 154.4 miliardë euro (rreth 174.4 miliardë dollarë) në qershor dhe 12.4 për qind në 921.6 miliardë euro në gjysmën e parë të vitit 2020, mbi baza vjetore, tha Eurostat.

Në qershor, importet e BE-së ishin 133.7 miliardë euro ndërsa suficiti i tregtisë së jashtme ishte 20.7 miliardë euro. Teprica e tregtisë së jashtme ishte 17.5 miliardë euro në qershor 2019.

Tregtia brenda BE-së gjithashtu ra me 6.4 për qind duke arritur në 235.4 miliardë euro në qershor dhe 12.7 për qind në 1.36 trilion euro në gjysmën e parë, nga viti në vit.

Mesatarja e kursit të këmbimit euro/dollari amerikan ishte 1.13 në qershor.

Në gjashtë muajt e parë të këtij viti, bilanci i tregtisë së jashtme të bllokut postoi 74.1 miliardë euro tepricë nga 81.5 miliardë euro në të njëjtën periudhë të vitit 2019.

Në periudhën janar-qershor, eksportet e makinerive dhe automjeteve ishin 348.1 miliardë euro ndërsa kimikatet dhe mallrat e tjera të prodhuara i ndoqën ato me 212.1 miliardë euro, përkatësisht 201.9 miliardë euro.

SHBA është partneri kryesor tregtar i BE-së në periudhën e parë gjashtëmujore, me 171.7 miliardë euro importe nga Unioni dhe 105.1 miliardë euro në eksporte.

Sipas vëllimit të eksportit, Mbretëria e Bashkuar, Kina, Zvicra dhe Rusia ndoqën SHBA në të njëjtën periudhë, theksoi Eurostat.

Kina ishte burimi kryesor i importeve të BE-së me 181.7 miliardë euro, e ndjekur nga SHBA, Mbretëria e Bashkuar, Zvicra dhe Rusia.

Bilanci i tregtisë nga vendi në vend tregon se BE-ja shkaktoi deficitin më të madh me Kinën, afër 87.9 miliardë euro ndërsa tepricën më të lartë me SHBA-të 66.5 miliardë euro, për të njëjtën periudhë.

Në Eurozonë, eksportet ekstra ranë me 10 për qind në 170.3 miliardë euro në qershor dhe me 12.7 për qind në 1.01 trilionë euro në gjysmën e parë të vitit.

Zona e Eurozonës ose ZE19 përfaqëson vendet anëtare që përdorin monedhën e vetme, euro.