Besar Ademi
17 gusht 2016•Përditësim: 18 gusht 2016
PRISHTINË (AA) – Në kuadër të vizitës në Kosovë të nënpresidentit të Shteteve të Bashkuara të Amerikës (SHBA), Joe Biden, bashkëshortja e tij Dr. Jill Biden, vizitoi Manastirin e Graçanicës në afërsi të Prishtinës ku dhe u takua me peshkopin Teodosije dhe shëtiti ambientet e manastirit, raporton Anadolu Agency (AA).
Gjatë kësaj vizite, Jill Biden ishte e shoqëruar nga nipi dhe mbesa e saj, si dhe nga bashkëshortja e djalit të saj të ndjerë Joseph R. “Beue” Biden III, i cili ndërroi jetë vitin e kaluar nga kanceri i trurit në moshën 46 vjeçare. Pas vizitës në manastir zonja Biden vazhdoi drejt Ferizajit, ku do të marrë pjesë në ceremoninë e emërimit të rrugës Ferziaj-Gjilan kushtuar djalit të saj të tjerë.
Manastiri i Graçanicës gjendet në bregun e majtë të lumit Graçanka, në jug të Prishtinës. Manastiri i sotëm është rikonstruktim i një kishe të shekullit XIV kushtuar Virgjëreshës Mari, e cila ishte ndërtuar në themelet e një bazilike të hershme krishtere të shekullit VI.
Restaurimi më i madh në manastir është bërë nga fundi i shekullit XVI, ku të gjitha hapjet në narteksin e jashtëm janë murosur dhe janë pikturuar afrekse të reja. Manastiri i Graçanicës në vitin 2006 i është bashkangjitur Listës së Trashëgimisë Botërore të UNESCOS nën emrin “Monumentet Mesjetare të Kosovës".
