Të gjithë pasagjerët e kthyer në Turqi nga umreja që prej natës së kaluar janë vendosur në karantinë në dhoma të veçanta të konvikteve si pjesë e masave kundër koronavirusit të ri (COVID-19), njoftoi të ministri turk i Shëndetësisë, Fahrettic Koca, transmeton Anadolu Agency (AA).
Koca tha në Twitter se personat e dyshuar për koronavirus janë dërguar në një spital për t'u testuar, duke shtuar se pasagjerët e kthyer janë vendosur në konvikte në kryeqytetin Ankara dhe në provincën qendrore Konya.
Më herët, ministri "me këmbëngulje" u kërkoi pasagjerëve të kthyer nga umreja të mos dilnin nga shtëpitë e tyre dhe të mos pranonin vizitorë për 14 ditë.
Të gjithë pasagjerët e kthyer në Turqi nga umreja që prej natës së kaluar janë vendosur në karantinë në dhoma të veçanta të konvikteve si pjesë e masave kundër koronavirusit të ri (COVID-19), njoftoi të ministri turk i Shëndetësisë, Fahrettic Koca. Koca tha në Twitter se personat e dyshuar për koronavirus janë dërguar në një spital për t'u testuar, duke shtuar se pasagjerët e kthyer janë vendosur në konvikte në kryeqytetin Ankara dhe në provincën qendrore Konya. ( Mehmet Ali Özcan - Anadolu Agency )
"Kalimi i kontrollit mjekësor nuk do të thotë rrezik zero" tha ai, duke shtuar se, për fat të keq, testi për COVID-19 i një qytetari që u kthye nga umreja javën e kaluar doli të jetë pozitiv.
Ali Erbaş, kreu i Kryesisë së Çështjeve Fetare, tha se të paktën 5.300 pasagjerë të dielën janë kthyer nga umreja.
Më 27 shkurt, Arabia Saudite pezulloi hyrjen e pasagjerëve që kërkojnë të kryejnë umren, për shkak të frikës nga virusi.
Pas vendimit, Turqia gjithashtu pezulloi regjistrimet e reja për umre, por tha se nuk ka pasur ndonjë ndryshim në datat e kthimit të atyre që veçmë gjendeshin në Arabinë Saudite.
Turqia deri më tani ka konfirmuar gjashtë raste me COVID-19.
Pas shfaqjes në Kinë dhjetorin e kaluar, koronavirusi i ri, i njohur zyrtarisht si COVID-19, është përhapur në rreth 150 vende dhe territore, duke shkaktuar mijëra të vdekur.
