SHBA teston raketë balistike ndërkontinentale

SHBA nga një bazë e Forcave Ajrore në shtetin e Kalifornisë ka kryer testin e raketës balistike ndërkontinentale në vlerë prej disa miliona dollarëve, transmeton Anadolu Agency (AA).

Në njoftimin e Forcave Ajrore thuhet se lançimi i raketës Minuteman III nga Baza e Forcave Ajrore Vandenberg filloi në ora 12:27 të mëngjesit sipas kohës lokale, ndërsa udhëtoi 4.200 milje para se të binte në det pranë Ishujve Marshall.

Testimi është prolonguar për një ditë për shkak të kushteve të papërshtatshme klimatike. Minuteman III është një raketë që mund të mbajë koka bërthamore.

Më tej, thuhet se ashtu siç ka qenë rasti me testimet e mëparshme edhe ky testim "tregoi se fuqia bërthamore e SHBA-ve është në gjendje të neutralizojë kërcënimin e shekullit 21".

Gjithashtu theksohet se Forcat Ajrore testimet i planifikojnë disa vite më parë dhe nuk është fjala për përgjigje ose reagim të ndodhive botërore ose tensioneve rajonale.