Ronaldinho: Neymar duhet të dëgjojë zemrën e tij

RIO DE ZHANEIRO (AA) – Ronaldinho, një nga futbollistët më të mirë brazilian të të gjitha kohërave, në lidhje me kalimin e bashkëkombasit të tij Neymar (25) nga Barcelona në PSG ka thënë se ai "duhet të dëgjojë zemrën", transmeton Anadolu Agency (AA).

"Le të ndjek zemrën e tij. Le të jetë i lumtur dhe le të vendos siç i thotë zemra e tij", ka thënë Ronaldinho.

Javët e fundit gjithnjë e më shumë po flitet se Neymar fanellën "e gjigantit katalunjas" do ta zëvendësojë me atë të PSG-së.

Sipas informacioneve të fundit, parisienët janë të gatshëm të paguajnë 222 milionë euro dëmshpërblim për yllin brazilian, i cili, siç spekulohet "nuk dëshiron të jetë nën hijen e Lionel Messit".