Tenis: Kampioni aktual Medvedev eliminohet nga US Open

Tenisit rus Daniil Medvedev u eliminua në xhiron e katërt të turneut US Open, raporton Anadolu Agency (AA).

Në derbin e të tetës së finales, tenisti australian Nick Kyrgios eliminoi tenistin më të mirë të botës dhe mbrojtësin e titullit në New York me rezultatin 3:1 në sete pas një ndeshjeje e cila zgjati 176 minuta.

Kyrgios, tenisti i 25 në botë, pas një beteje të rëndë fitoi setin e parë me 7:6, ndërsa tenisti rus fitoi setin e dytë me 6:3.

Australiani ishte më i mirë në setin e tretë duke fituar me 6:3, kurse të katërtin e mori me lehtësi 6:2, duke arritur një fitore të madhe dhe plasman në xhiron e radhës të turneut të fundit Grand Slam të sezonit.

Kyrgios në çerekfinale do të ballafaqohet me tenistin rus Karen Khachanov i cili radhitet i 31-ti në listën e ATP-së.