Fatma Bülbül
02 shkurt 2017•Përditësim: 02 shkurt 2017
ANKARA (AA) – Presidenti i Turqisë, Recep Tayyip Erdoğan, në një bisedë telefonike të realizuar me kreun e NATO-s, Jens Stoltenberg, ka theksuar përkushtimin e Turqisë për të luftuar terrorizmin, raporton Anadolu Agency (AA).
Burime nga Presidenca e Turqisë thanë të enjten se, "biseda mes dy autoriteteve është zhvilluar të mërkurën vonë dhe në të Erdoğan dhe Stoltenberg kanë diskutuar edhe për situatën e përgjithshme në aleancën e NATO-s".
Burimet e lartpërmendura të cilat kanë folur në kushte anonimiteti , thanë se bashkëbiseduesit kanë theksuar rëndësinë e shteteve anëtare për të ndihmuar Turqinë në luftën kundër terrorizmit.
Turqia është anëtare e NATO-s që nga viti 1952, dhe ka fuqinë e dytë më të madhe ushtarake në aleancë, pas Shteteve të Bashkuara të Amerikës, dhe është një aleat kyç.
