Inteligjenca turk kap 11 terroristë të DEASH-it në veri të Sirisë

Organizata Kombëtare e Inteligjencës (MIT) ka kapur 11 terroristë të DEASH-it në veri të Sirisë, njoftuan burime të sigurisë, transmeton Anadolu Agency (AA).

Terroristët u kapën gjatë një bastisjeje në tri shtëpi të veçanta brenda zonës së operacionit “Mburoja e Eufratit”, një operacion antiterrorist ndërkufitar turk, thanë burimet në kushte anonimiteti.

Forcat lokale të Ushtrisë Kombëtare Siriane bashkëpunuan me ekipet e inteligjencës turke gjatë operacionit, shtuan ata.

Një sasi e madhe eksplozivi dhe municionesh u sekuestrua gjithashtu, thanë burimet.

Në vitin 2013, Türkiye u bë një nga vendet e para që e shpalli DEASH-in grup terrorist.

Vendi më pas u sulmua disa herë nga grupi terrorist, me mbi 300 njerëz të vrarë dhe qindra të tjerë të plagosur në të paktën dhjetë sulme vetëvrasëse, shtatë sulme me bomba dhe katër sulme të armatosura.

Si përgjigje, Türkiye filloi operacione brenda dhe jashtë vendit për të parandaluar sulme të mëtejshme, duke përfshirë disa operacione antiterroriste si “Mburoja e Eufratit” (2016), “Dega e Ullirit” (2018) dhe “Burimi i Paqes” (2019).