Di êrîşên Îsraîlê yên dijî başûrê Libnanê da 45 kes hatin kuştin

Di êrîşên artêşa Îsraîlê yên dijî başûrê Libnanê da 45 kes hatin kuştin.

Li gorî nûçeya ajansa fermî ya nûçeyan a Libnanê NNAyê, balafirên şer ên Îsraîlê nîvê şevê du êrîşên asîmanî birin ser bajaroka Cedîde Mercaûyûnê ya navçeya Mercaûyûnê ya girêdayî parêzgeha Nebatiyeyê.

Di êrîşê da 6 kes hatin kuştin, kesek jî birîndar bû.

Her wisa artêşa Îsraîlê êrîşek jî bir ser bajaroka Kakiye el-Cisrê ya Nebatiyeyê jî û di encamê da kesek hat kuştin.

Balafirên şer ên Îsraîlê dîsa êrîşek birin ser Burc eş-Şîmaliyê ya nêzîkî bajarê Sûrê yê li başûrê welêt û di vê êrîşê da jî 2 kes hatin kuştin, kesek birîndar bû.

Di êrîşa asîmanî ya dijî Bafliyeya navçeya Sûrê da jî 3 kes hatin kuştin.