KENYê li Sûriyeyê biryara mehekî "agirbesta mirovî" da

NETEWEYÊN YEKBÛYÎ

Konseya Ewlehiyê ya Neteweyên Yekbûyî (KENY) li Sûriyeyê mehekî biryara "agirbesta mirovî" da.

Pêşnûmaya biryarê ya ku ji aliyê Swêd û Quweyta serokê heyama meha sibatê ya KENYê ve hat amadekirin li Konseyê ji bo dengdayînê hat pêşkêşkirin.

Pêşnûma li Konseya Ewlehiyê ya NYyê bi yekdengî hat qebûlkirin û biryar hat dayîn ji bo ku arîkariyên mirovahiyê bigihînin Sûriyeyê û bi taybetî li Xûtaya Rojhilat a ku bin dagirkeriya rejimê de ye nexweşên giran û birîndar bên tehliyekirin herî kêm mehekî agirbesta mirovî çêbe.

Di biryarê de ji hemû aliyan hat xwestin ku li tevahiya Sûriyeyê ji bo ku arîkariyên mirovî bi awayekî "ewledar, bêasteng û berdewam" bên gihandin û "nexweşên giran û birîndar" bên texliyekirin hemû alî "demildest" herî kêm 30 rojî pevçûnan bidin rawestandin.

Di biryarê de her wiha hat xwestin ku Xûtaya Rojhilatê jî di nav de bila eblûqeya Yarmûk, Fûa û Kefrayayê jî bê rakirin.