"Tirkiyeyê beriya êrişa esmanî hişyarî da me"

WASHINGTON

Wezîrê Parastina Amerîkayê Jim Mattis got: "Tirkiye ji hêla ewlehiya meşrû va bi fikar e. Di vê mijarê de Tirkiye bi eşkere diaxivî û ji bo êrişa esmanî jî hişyarî da me."

Li gor nûçeyên medyaya Amerîkayê Mattis dema ku diçû Başûrê Rojhilat ê Asyayê di balafirê de daxuyanî da rojnamevanan.

Mattis behsa operasyona Hêzên Çekdar ên Tirkiyeyê ya ku li Efrîna bajarê Sûriyeyê dijî terorîstên YPG/PKK û DEAŞê da destpekirin, kir.

Wî anî ziman ku Tirkiye mutefiqeke girîng a NATOyê ye û wiha got: "Tirkiye ji hêla ewlehiya meşrû va bi fikar e."

Diyar kir ku Tirkiyeyê beriya êrişê hişyarî da Amerîkayê û wiha dewam kir: "Di vê mijarê de Tirkiye bi eşkere diaxivî û ji bo êrişa esmanî jî hişyarî da me."

Ji bilî vê Mattis got eskerên Amerîkayê yên ku li herêmê ne ji ber operasyona Tirkiyeyê ne di talûkeyê de ne.