Davutoglu çû cihê ku êrîşa terorî lê hat kirin

ANKARA

Serokwezîr Ahmet Davutoglu çû Kuçeya Merasimê ya ku êrîşa terorî ya Enqereyê lê hat kirin, qerenfîl danî cihê teqîn lê qewimî û ji bo cangoriyên êrîşê jî dia kir.

Serokwezîr Davutoglu ewilî beşdarî merasima li GATAyê ku ji bo cinazeyê kesên di êrîşê de can dabûn bişînin welatê wan hat kirin bû û paşê jî bi wezîrên ku pê re bûn ve çû Kûçeya Merasimê ya teqîn lê qewimî.
Davutoglu ji bo bîranîna 28 cangoriyan qerenfîl danî cihê bûyerê û ji bo wan jî dia kir.

Wezîrê Parastinê Îsmet Yilmaz, Wezîrê Karên Navxweyî Efkan Ala jî bi Serokwezîr re qerenfîl danîn cihê bûyerê û Waliyê Enqereyê Mehmet Kiliçlar jî der barê bûyerê de agahî da Davutoglu.

Kuçeya Merasimê ji trafîkê re hê jî girtî ye û cihê bûyer lê qewimî jî bi brandayê hatiye nixumandin, hêzên ewlehiyê li wê derê hê jî xebatên xwe didomînin.