Li Erziromê qeza: 5 mirî, 10 birîndar

ERZURUM

Li Çata navçeya Erziromê minîbus û texsî li hev qelibîn û di qezayê da yek jê zarok 5 kes mirin, 10 kes birîndar bûn.

Li gor agahiya ku hat hildan, li ser rêya Erzirom û Bîngolê minîbusa ku plaqa wê 25 ET 535 e û texsiya ku plaqa wê 34 JV 7769 e, li nêzî gundê Koselerê li hev ketin. Nasnameya şofêran hê nehatiye tesbîtkirin.

AFAD, Ambulans, cendirme û ekîbên îtfaiyeyê yên Şaredariya Bajarê Mezin sewqî cihê qezayê kirin.

Yek jê zarok 5 kesên ku di wesayîtan da bûn mirin, 10 kes birîndar bûn. Birîndar bi ambulansan va rakirin nexweşxaneyên der û dorê.

Cinazeyê şofêrê texsiyê bi xebata AFAD û îtfaiyeyê va ji texsiyê hat derxistin. Eqrebayên kesên ku mirin û birîndar bûn, li cihê qezayê krîza sînîr derbas kirin.

Rêya Erzirom û Bîngolê ji ber qezayê hat girtin.

Li cihê qezayê lêkolîn û xebat didomin.