Li orduyê taviya baranê

ORDU

Li Çaybaşiya navçeya Orduyê taviya baranê tesîreke neyinî li ser jiyanê kir û hin kargeh û mal di bin avê de man.

Piştî taviya ku danê sibê li navçeyê dest pê kir gelek kûçe û kolan di bin avê de man û bi taybetî li navenda navçeyê gelekî baran bariya û ajokar û welatiyan zehmetî kişandin.

Ekîbên Şaredariya Mezin a Orduyê û Çaybaşiyê li cihên ku lê lehî çêbû dest bi xebatên tespîtkirina xisarê kirin.

Şaredarê Çaybaşiyê Îsmet Yanik bi ekîban re li sehayê lêkolîn kir.

Yanik daxuyaniyek da nûçegihanê AAyê û got ku şaredariyê hemû ekîbên xwe seferber kirin.

Îsmet Yanik diyar kir ku li temamiya 20 taxên li navçeyê tesîra baranê çêbû û got bila canê niştecihên Çaybaşiyê sax be û derbasî be.