Türkan Tosun
11 Îlon 2017•Rojanekirin: 12 Îlon 2017
NEW YORK
Di pêşbirka tenîsê ya heyama dawîn a grand slamê de Rafael Nadal di fînala mêran a Emrîkayê de bû şampiyon.
Fînala mêran a pêşbirkê li New Yorkê hat lidarxistin.
Rafael Nadalê (31) spanyolî yê ku di klasmana dinyayê de di rêza yekem de ye û Kevin Andersonê ji Komara Efrîqaya Başûr ê ku di rêza 28emîn de ye hatin pêşberî hev.
Nadal bi setên 6-3, 6-3 û 6-4an va Andersan têk bir û bû şampiyonê DYAyê û 3,7 milyon dolar xelat girt.
Rafael Nadal bi vê serkeftinê cara sêyem bû şampiyonê DYAyê.
Nadal spasiya apê xwe Tonî Nadal kir û got wî ji 3 saliya xwe pê ve perwerdeya tenîsê ji apê xwe hildaye û apê wî her tim piştgiriya wî dike.
Ji bo kesên ku di erdheja Meksîkayê ya ku roja înê bi lerza 8,1 çêbû de mirine û ji bo kesên ku di tofanên Irma û Harveyê yên li Emrîkayê de mirine jî Nadal peyama sersaxiyê da û got dem ew dem e ku ew bihêz bin.
