Serokwezîr Yildirim li Belarusê ye

MÎNSK

Serokwezîr Bînalî Yildirim got, "Ne rojeveke veşartî ya Belarusê heye ne jî ya Tirkiyeyê heye. Hesabê wan li ser welatên din tuneye. Em tenê li ser pêşketin a welatên xwe û refaha gelên xwe difikirin."

Yildirim li Qesra Serxwebûnê ji aliyê Serokomarê Belarusê Aleksandr Lukeşenko va hat qebûlkirin. Serokwezîr Yildirim li wê derê axivî û ji bo mazûvaniya wan spasiya Lukaşenko kir.

Yildirim diyar kir ku wî duh bi Serokwezîr Andrey Kobyakov ra hevdîtinên mifadar kirin û ew bi hûrgilî li ser têkiliyên dualî sekinîn. Yildirim got ku Serokomar Recep Tayyîp Erdogan di sala 2016an da hat Belarusê û di ziyaretê da ji bo herdu welatan hedef hatin danîn û ew jî ji bo ku van hedefan bixebitin, li ser xebatan axivîn.

Yildirim ji Lukaşenko ra silava Serokomar Erdogan got û wiha dewam kir: "Li gor Birêz Serokomarê me îro rewşa têkiliyên Belarus û Tirkiyeyê baş e, lê ev têkilî potansiyela navbera herdu welatan nade nîşan û divê em zêdetir rêyên tevkariyê bibînin. Ne rojeveke veşartî ya Belarusê heye ne jî ya Tirkiyeyê heye. Hesabê wan li ser welatên din tuneye. Em tenê li ser pêşketin a welatên xwe û refaha gelên xwe difikirin."

Serokomarê Belarusê Lukaşenko jî got ku ew ji bo hevdîtina Yildirimê ku siyaseta Tirkiyeyê kifş dike, kêfxweş e.

Lukaşenko destnîşan kir ku di têkiliyên aborî û bazirganî yên navbera herdu welatan da geşedanên baş çêdibin û wiha dewam kir: "Ez dikarim bêjim ku van çend salên dawîn serdema geşbûna têkiliyên Belarus û Tirkiyeyê ye."

Lukaşenko diyar kir ku hecma bazirganiya navbera herdu welatan dibe ku ji milyarek dolarî derbastir kiribe.

Lukaşenko diyar kir, ew dixwazin têkiliyan zêdetir xurt bikin û wiha dewam kir: "Di têkiliyên navbera me da li cem herdu aliyan jî rojeveke veşartî tuneye. Ji bo ku em têkiliyên xwe xurt bikin hemû şert û merc li ber destan e."