Li Dêrsimê "Komxebata Elewîtiyê"
Li Dêrsimê "Komxebata Elewîtiyê" ya ku ji 12 bajaran beşdarî hebû hat lidarxistin.
TUNCELÎ
Li Dêrsimê "Komxebata Elewîtiyê" ya ku ji 12 bajaran beşdarî hebû hat lidarxistin.
Komxebat li Salona Konferansê ya Navenda Çand û Ciwaniyê ya Şaredariya Dêrsimê hat lidarxistin. Şaredarê Dêrsimê Mehmet Alî Bul, Alîkarê Şaredar Îbrahîm Kasun û elewiyên ku ji Stenbol, Enqere, Îzmir, Mêrsin, Edene, Diyabekir, Ezircan, Erzirom, Adiyaman, Mûş û Elezîz hatin beşdarî komxebatê bûn.
Nurhayat Altunê axaftina vekirina komxebatê kir û wiha got: "Îro li vê derê kombûna me elewiyan tiştekê zehf bi rûmet û kêfxweş e. Hemû can serçevan ra hatin."
Altunê diyar kir ku bi hatina mêvanên elewî gelekî kêfxweş bûn û wiha pê da çû: "Xuşk û birayên ezîz, li Dêrsima ku ji bo elewiyan wek navend tê zanîn kombûna me tiştekî dîrokî ye û zehf girîng e. Ev komxebat ji bo me dîrokî ye. Ez wer bawer dikim ku em ê ji vê komxebatê quwetê hildin û ber bi pêşerojê ve bimeşin. Em endamê civakeke wisa nin ku her kes dikare xwe îfade bike û fikr û ramanên xwe bîne ziman."
news_share_descriptionsubscription_contact
