توركيا

- وەزارەتی دەرەوەی تورکیا: "بەتوندترین شێوە ئیدانەی بڕیاری ئیسرائیل بۆ فراوانکردنی ئۆپەراسیۆنە سەربازییەکانی لە غەززە دەکەین، کە قۆناغێکی نوێی سیاسەتی فراوانخوازی و جینۆساید پێکدێنێت".

- سەرۆکایەتی پەرلەمانی تورکیا: (ئەو کۆمیسیۆنەی لە چوارچێوەی قۆناغی تورکیای بێ تیرۆر دامەزراوە) ناوی کۆمیسیۆنەکە وەک: کۆمیسیۆنی هاوپشتی نەتەوەیی، برایەتی و دیموکراسی، دیاری کراوە.

سەرۆکی پەرلەمانی تورکیا، نوعمان کورتوڵموش: "ڕەنگە دەستووری نوێ نەنووسینەوە، بەڵام ڕستەکانی برایەتی دادەڕێژین. پەرلەمانەکەمان نەک تەنیا برایەتی هەزار ساڵەمان بیردەخاتەوە، بەڵکو لە ڕووی سیاسییەوە پێناسەی دەکات".

سەرکۆماری تورکیا، ڕەجەب تەیب ئەردۆغان: "لە ئاسایشەوە تا دیموکراسیی، لە ئابوورییەوە تا تەکنەلۆجیا، لە پیشەسازی بەرگرییەوە تا سیاسەتی دەرەوە هەنگاوی مێژوویی دەنێین کە ئایندەی گەلەکەمان مسۆگەر دەکات".