"چەک و تەقەمەنییەکانی ئۆپەراسیۆنی سەر عەفرین دروستکراوی خۆماڵییە"

ئەنقەرە - AA

وەزیری بەگری تورکیا، نورەددین جانیکلی: "چەک و تەقەمەنی کۆگاکراومان نەک تەنھا بەشی پاککردنەوەی ناوچەی عەفرین، بەڵکو بەشی پاککردنەوەی گشت ناوچەکان لە تیرۆر دەکات و بەردەوامیش دەبین لە بەرھەمھێنانی ئەو چەکانە".
ئۆپەراسیۆنی لقی زەیتون لەلایەن سوپای تورکیا بەمەبەستی پاککردنەوەی ناوچەی عەفرین لە چەکدارانی پەیەدە/ پەکەکە بەردەوامە.

وەزیری بەگری تورکیا، نورەددین جانیکلی لەمبارەیەوە تویتێکی لە تۆڕی کۆمەڵایەتی تویتەر بڵاوکردەوە و تێدا رایگەیاند کە "گشت ئەو چەک و تەقەمەنییانەی کە سوپای قارەمانمان لە ئۆپەراسیۆنی عەفرین بەکاری دەھێنێت، دروستکراوی خۆماڵییە و خۆمان دەتوانین بەرھەمی بھێنین".

نورەددین جانیکلی لەبارەی ئەو چەک و تەقەمەنییانەی سوپای تورکیا لە ئۆپەراسیۆنەکە بەکاردەھێنێت گوتی: "چەک و تەقەمەنی کۆگاکراومان نەک تەنھا بەشی پاککردنەوەی ناوچەی عەفرین، بەڵکو بەشی پاککردنەوەی گشت ناوچەکان لە تیرۆر دەکات و بەردەوامیش دەبین لە بەرھەمھێنانی ئەو چەکانە".