ئاگنس کاڵامارد سەردانی دادگای ئیستانبوڵی کرد

ئیستانبوڵ- AA

بڕیاردەری تایبەتیی نەتەوە یەکگرتووەکان سەبارەت بە کوشتنی بێ دادگاییکردن و هەڕەمەکی، ئاگنس کاڵامارد کە لە چوارچێوەی لێکۆڵینەوەی نێودەوڵەتیی لە تاوانی کوشتنی جەمال خاشقجی-دا لە تورکیایە، سەردانی دادگای ئیستانبوڵی كرد.

ئاگنس کاڵامارد و شاندی یاوەری لە چوارچێوەی لێکۆڵینەوەی نێودەوڵەتیی لە تاوانی کوژرانی رۆژنامەوانی سعوودیی رۆژنامەی واشنتۆن پۆستی ئەمریکی و نووسەر، جەمال خاشقجی کە رۆژی دووی تشرینی یەکەمی ٢٠١٨ بە مەبەستی ئەنجامدامی ژمارەیەک کاروباری هاوسەرگریی سەردانی کۆنسولخانەی وڵاتەکەی لە ئیستانبوڵ کرد و هەمان رۆژ کوژرا لە تورکیان.

کاڵامارد و شاندی یاوەری گەیشتنە دادگای ئیستانبوڵ لە ناوچەی چاغڵایان و لە دەروازی پرۆتۆکۆڵەوە چوونە ژوورەوە و چوونە ئەو نهۆمەی ئۆفیسی داواکاری گشتیی کۆماریی، عیرفان فیدان-ی لێیە.

شاندەکە لە لایەن فیدان-ەوە پێشوازییان لێکرا و کۆبوونەوەی نێوانیان دەستیپێکرد.

بڕیاردەری تایبەتیی نەتەوە یەکگرتووەکان سەبارەت بە کوشتنی بێ دادگاییکردن و هەڕەمەکی، ئاگنس کاڵامارد تا رۆژی دووی شوبات لە تورکیا دەبێت.