ئەردۆغان: "سێ ملیۆن برای کوردمان لە ئیستانبوڵ هەیە"

ئیستانبوڵ - AA

سەرکۆماری تورکیا و سەرۆکی گشتی ئاک پارتی، رەجەب تەیب ئەردۆغان گوتی: "سێ ملیۆن برای کوردمان لە ئیستانبوڵ هەیە، گوایە دەنگەکانی ئەوانیش بۆ ئیکرەم ئیمامئۆغڵو (کاندیدی جەھەیە) دەچێ. ئایا شتێکی بەم شێوەیە ھەیە؟ بۆیە پێویستە پێکەوە لەگەڵ برا کوردەکانمان رۆژی یەکشەممەی داھاتوو، زلەیەکی عوسمانی لەمانە بدەین".

سەرکۆماری تورکیا و سەرۆکی گشتی ئاک پارتی، رەجەب تەیب ئەردۆغان بەشداری لە پرۆگرامی "شەوی ترابزۆنییەکان" لە ھۆڵی سینان ئەردەم کرد و گوتارێکی پێشکەش کرد.

ئەردۆغان لەبارەی بڕیاری پەیوەندیدار بە بەرزاییەکانی جۆلان گوتی: "یەکێتی ئەورووپا ئەمە قبوڵ ناکات، ئێمەش وەک رێکخستنی ھاریکاری ئیسلامی قبوڵی ناکەین، رووسیا قبوڵی ناکات، چین قبوڵی ناکات، بۆیە ئەستەمە بتوانی ئەمە لە ئەنجوومەنی ئاسایشی نەتەوە یەکگرتووەکان تێپەرێنیت. ئایا شتێکی بەم جۆرە لە کوێ ھەیە؟ ئێمە لە کام جیھان دەژین؟".

ھاوکات ئەردۆغان زیاتر گوتیشی:" لە قوڵایی جودی لەئێوەمان دا، لە گابار، لە تەندورەک، لە قەندیل لێتان دەدەین، بەردەوام دەبین لە لێدانتان. ناتوانن خۆشگوزەرانی میللەتەکەمان تێک بدەن".

سەرکۆماری تورکیا و سەرۆکی گشتی ئاک پارتی، رەجەب تەیب ئەردۆغان راشیگەیاند کە سێ ملیۆن کورد لە ئیستانبوڵ بوونی ھەیە و لەمبارەیەوە زیاتر گوتیشی گوتی: "سێ ملیۆن برای کوردمان لە ئیستانبوڵ هەیە، گوایە دەنگەکانی ئەوانیش بۆ ئیکرەم ئیمامئۆغڵو (کاندیدی جەھەیە) دەچێ. ئایا شتێکی بەم شێوەیە ھەیە؟ بۆیە پێویستە پێکەوە لەگەڵ برا کوردەکانمان رۆژی یەکشەممەی داھاتوو، زلەیەکی عوسمانی لەمانە بدەین".