Sümeyye Dilara Dinçer
02 نیسان 2023•نوێکردنەوە: 02 نیسان 2023
ئەنقەرە – AA
وەزارەتی دەرەوەی تورکیا واژووکردنی رێککەوتن لەنێوان پاسەوانانی نیشتمانیی ویلایەتی نیوجێرسی ئەمریکا و ئیدارەی قوبرسی رۆمی سەرکۆنە کرد.
وەزارەتی دەرەوەی تورکیا لە راگەیەندراوێکدا سەرنجی خستووەتە سەر ئەوەی کە سەرکۆنەی واژووکردنی رێککەوتن لەنێوان پاسەوانانی نیشتمانیی ویلایەتی نیوجێرسی ئەمریکا و وەزارەتی بەرگریی ئیدارەی قوبرسی رۆمی دەکەن دوا بە دوای بەشداریپێکردنی ئیدارەی قوبرسی رۆمی لە بەرنامەی هاوبەشی نووسینگەی پاسەوانی نیشتمانیی سەربە وەزارەتی بەرگریی ئەمریکا لە تشرینی یەکەمی رابردوو.
بە سەرنج خستنە سەر ئەوەی کە ئەمریکا بەهۆی هەڵگرتنی گەمارۆی چەک لەسەر ئیدارەی روومی قوبرسی باشوور لە ٢٠٢٢ هاوسەنگی لە دوورگەی قوبرس تێکداوە. لە راگەیەندراوەکەدا هاتووە: "ئەم هەنگاوە هاندانی قوبرسی رۆمی-یە بۆ پڕچەککردن. پشتیوانی لە راگەیەندراوی وەزارەتی دەرەوەی کۆماری تورکی قوبرسی باکوور دەکەین لەمبارەیەوە".
وەزارەتی دەرەوەی تورکیا تیشکی خستووەتە سەر ئەوەی کە ئەم سیاسەتەی ئەمریکا بە هیچ جۆرێک خزمەت بە هێنانەدی سەقامگیریی ناکات لە ناوچەکە و پێویستە چاوی پێدا بخشێنێتەوە، نووسیوویەتی: "هیوادارین قوبرسی رۆمی لەوە تێ بگات کە تورکیا هەرگیز رێگە نادات دەست بۆ قوبرسی تورکی درێژ بکات. بەردەوام دەبن لە هەر جۆرە هەنگاوێک بۆ پاراستنی ئاسایشی تورکەکانی قوبرس".
