تورکیا.. لە ئۆپەراسیۆنێکی دژبە داعش شەش گومانلێکراو لە ئورفا دەستگیرکران

ئورفا - AA

لە چوارچێوەی ئۆپەراسیۆنی ھێزەکانی ئەمنی تورکیا بۆسەر رێکخراوی تیرۆریستی داعش، لە شاری ئورفا شەش گومانلێکراو دەستگیرکران.

ھۆبەی بەرەنگاربوونەوەی تیرۆر لە بەڕێوەبەرایەتی پۆلیسی پارێزگای ئورفا و تیمەکانی سەرۆکایەتی میت لە ناوچەکەدا، ئۆپەراسیۆنێکی ھاوکاتیان لە شارۆچکەکانی حەران و ھەلیلییە بۆ دەستگیرکردنی ئەو کەسانە ئەنجامداوە کە لە نێو رێکخراوی تیرۆریستی داعشدا چالاکیان ئەنجامداوە.

لە ئۆپەراسیۆنەکەدا، شەش گومانلێکراو دەستگیرکران کە دەرکەوتووە لە یەکە جیاوازەکانی رێکخراوەکە لە سووریا و عێراق ئەرکیان پێ سپێردراوە.

گومانلێکراوان دوای پشکنینی تەندروستیی رەوانەی بەڕێوەبەرایەتی پۆلیس کران.