سروشت دۆستان لە ماڵاتیا بە بناری بەیداخدا سەرکەوتن

ماڵاتیا - AA

لە قەزای یەشیلیورت لە ماڵاتیا، سروشت دۆستان لە بناری بەیداخەوە بەرەو لووتکەی شاخەکە شاخڕەویان ئەنجام دا.

ناوچەکانی بناری بەیداخی کە جوانییەکی بێ هاوتایان هەیە، لەگەڵ هاتنی وەرزی بەهاردا بوونەتە شوێنی شاخڕەوی سروشت دۆستان.

سروشت دۆستان، کاتەکانی بەیانی زوو بە کەنار ئەو جۆگە بەفراوانەدا ڕۆیشتن کە لە لووتکەی بەیداخەوە دەڕژێنە خوارەوە و بەرەو بەرزاییەکان گەشتێکی ناوازەیان ئەنجام دا.

بەهۆی توانەوەی بەفری سەر چیاکە، بناری بەیداغی بە جۆرەها گوڵ و گوڵزار ڕازاوەتەوە.

زیندووبوونەوەی خاک و سەوزبوونی جۆرەها ڕووەک، لەگەڵ ئەوەی جوانییەکی قەشەنگی بە ناوچەکە بەخشیوە هاوکات بووەتە سەرچاوەی ژیانی هەنگ و ئاژەڵان.

سروشت دۆستان بە دەم دەنگی کەو و جۆرەها باڵندە گەشتەکەیان ئەنجام دەدەن و، ناو بە ناویش لە ڕێگەدا کەروێکی کێوی و کیسەڵ و ڕێوی و بزنەکێوی بەدی دەکەن.