ماردین...دەستگیرکردنی ئەندامێکی پەکەکە/ کەجەکە

ماردین- AA

لە پارێزگای ماردین تیرۆرستێکی پەکەکە/ کەجەکە دەستگیر کرا کە لە ئامادەکاریدابوو بۆ ئەنجامدانی کردەی تیرۆرستی.

وەزارەتی ناوخۆی تورکیا، لە راگەیەندراوێکدا ئەوەی خستوەتەڕوو کە ئێوارەی دوێنێ لەسەر رێگای سەرەکی ماردین- کزڵتەپە تیمەکانی سەر بە بەڕێوبەرایەتی ئاسایشی ماردین ئۆتۆمبێلێکیان وەستاندووە و لە دوای پشکنین نزیکەی دوو کیلۆ تەقەمەنی پلاستیکیان دۆزیوەتەوە کە لە بەشی ژێرەوەی ئۆتۆمبیلەکەدا شاردرابووەوە.

شۆفێری ئۆتۆمبێلەکەش کە ئەندامی رێکخراوی تیرۆرستی پەکەکە/ کەجەکە بووە لە ئێستادا دەستبەسەر کراوە و لێکۆڵینەوەش لەگەڵی بەردەوامە.