موغڵا.. دوو کارمەندی دارستان بەبرینداری گەیەندرانە نەخۆشخانە

موغڵا - AA

لە قەزای مەنتەشە سەربە پارێزگای موغڵا، دوو کارمەندی دارستان کە لە میانی کوژاندنەوەی ئاگرەکاندا برینداربووبوون، گەیەندرانە نەخۆشخانە.

ئەو دوو کارمەندە ناویان سەلیم کۆرکماز و هاکان توتوش-ە و لە میانی هەوڵدان بۆ کوژاندنەوەی ئاگرەکان، لەناکاو درەخت کەوتووە بەسەریاندا و بەو هۆیەوە بریندار بوون.

دوای ئاگادارکردنەوەی تیمە فریاگوزارییەکان لە رووداوەکە، هێلیکۆپتەرێکی سەربازیی رەوانەی شوێنەکە کراوە و فریاگوزاری سەرەتایی بۆ بریندارەکان کراوە.

دواتر یەکێک لە بریندارەکان بە هێلیکۆپتەر و یەکێکی دیکەشیان بە ئامبوڵانس گەیەندراونەتە نەخۆشخانەی فیرکاریی شاری موغڵا.

لەئیستاشدا لە زەوی و ئاسمانەوە، هەوڵەکان بۆ کۆنترۆڵکردنی ئاگری قەزاکانی کۆیجەغیز، میلاس، مەنتەشە، سەیدیکەمەر، کاڤاکلیدەرە و یاتاغان بەردەوامن.