مەسعود بارزانی: "ھیوادارین پڕۆسەی چارەسەریی ئاشتی لە تورکیا بگاتە ئەنجامێکی باش"

ھەولێر ــ AA

سەرۆکی پارتی دیموکراتی کوردستان، مەسعود بارزانی ڕایگەیاند کە ھیوادارن پڕۆسەی چارەسەریی ئاشتی لە تورکیا بگاتە ئەنجامێکی باش و جەختیشی کردەوە کە بەھەموو شێوەیەک پشتیوانی لە سەرکەوتنی ئەو پڕۆسەیە دەکەن.

مەسعود بارزانی پەیامێکی بڵاوکردەوە و تیایدا ھاتووە: "جێگەی خۆشحاڵییە لە پڕۆسەی چارەسەریی ئاشتی لە تورکیا، لایەنەکان ھەڵوێستی باشیان ھەبوو و ھەنگاوی ئەرێنی بە ئاراستەی چارەسەری ئاشتیانە نرا، ھەروەھا پەکەکەش کۆنگرەی خۆی بەست و کۆمەڵێک بڕیاری دەرکرد".

ڕاشیگەیاندووە: "ئێمە ھیوادارین ئەو پڕۆسەیە بگاتە ئەنجامێکی باش و لە بەرژەوەندی و خێری ناوچەکە و ھەموو لایەک بێت و ڕاشیدەگەیێنین بە ھەموو شێوەیەک پشتیوانی لە سەرکەوتنی ئەو پڕۆسەیە دەکەین".