هەوڵەکان بۆ کوژاندنەوەی ئاگرەکەی هاتای بەردەوامن

هاتای- AA

لە زەمین و ئاسمانەوە هەوڵی کوژاندنەوەی ئاگرەکەی شارۆچکەی ئەسکەندەرون سەربە پارێزگای هاتای دەدرێت.

سەرلەبەیانی ئەمڕۆ دووبارە هەوڵەکان بۆ کوژاندنەوەی ئاگرەکە دەستیپێکردەوە کە لە دوێنێوە کەوتووەتەوە و بەهۆی کاریگەری با لە تەشەنەسەندندایە، بۆ ئەو مەبەستەش ژمارەیەک هەلیکۆپتەر و ئۆتۆمبێلی ئاگرکوژێنەوە لە کاردان.

ئێوارەی دوێنێش بە مەبەستی پاراستنی ژیانی هاووڵاتییان، دانیشتوانی ناوچەی نزیک ئاگرەکە گواسترانەوە.

هەروەها رێگای سەرەکی نێوان ئەسکەندەرون-پایاس کە بەهۆی ئاگرەکەوە داخرابوو، دووبارە بەڕووی هاتوچۆدا کرایەوە.

لەڕێی ئامێری درۆن وێنەی ئەو ناوچانەش گیرا کە بەهۆی ئاگرەکە زیانیان بەرکەوتووە.