وەشاندنی گورزی "چنگ-قفڵ" لە تیرۆریستان

ئەنقەرە - AA

سوپای تورکیا لە میانی ئۆپەراسیۆنی چنگ-قفڵدا، تاکوو ئێستا ٤٥٥ تیرۆریستی لە چالاکی خستووە، ٥٥٧ ئەشکەوت و پەناگەی تیرۆریستانی خاپوور کردووە و هەزار و ٩٠٤ بۆمبی دەستکردیشی لەناو بردووە.

بەپێی ئەو زانیارییانەی لە سەرچاوەکانی وەزارەتی بەرگریی تورکیاوە بە دەست گەشتوون ئۆپەراسیۆنی چنگ-قفڵ لە ناوچەکانی مەتینا، زاپ و ئاڤاشین-باسیان لە باکووری عێراق بۆسەر ئامانجەکانی تیرۆریستان بەو شێوەیەی بەرنامەی بۆ داندراوە بە سەرکەوتووانە بەردەوامن.

سەربازانی تورکیا ئەو ئەشکەوت و پەناگایانە یەک یەک دەستنیشان دەکەن کە لەلایەن تیرۆریستانەوە بەکار دەهێندرێن و خاپووریان دەکەن.

سوپای تورکیا لە میانی ئۆپەراسیۆنی چنگ-قفڵدا، تاکوو ئێستا ٤٥٥ تیرۆریستی لە چالاکی خستووە، ٥٥٧ ئەشکەوت و پەناگەی تیرۆریستانی خاپوور کردووە و هەزار و ٩٠٤ بۆمبی دەستکردیشی لەناو بردووە.

سەربازان تاکوو ئێستا هەزار و ٢٠٣ پارچە چەک کە مووشەکی دژەتانک و دژەفڕۆکە و نیشانشکێنیان لەنێو دابووە و ٥٢٢ هەزار تەقەمەنی ئەو چەکانەیان دەست بەسەردا گرتووە.

لەنێو ئەو چەکانەدا، دژەتانکەکانی AT-3, AT-4, AT-5، هەروەها مووشەکهاوێژ، دۆشکە، دژەتانکەکانی زاگرۆس، بی کەی سی، نیشانشکێنی قەناس، کڵاشینکۆف و چەکی جۆری M-16 دەبیندرێن.

هەروەها دەست بەسەر ٢٠٥ بێتەل، ١٢١ دووربینی چاودێری و ٨٨ تۆن کەلوپەل و پێداویستی ژیاندا گیراوە.

سەرچاوە ئەمنییەکان ئاماژە بەوە دەدەن لە ئەنجامی ئۆپەراسیۆنەکاندا، تیرۆریستییەکان زۆر تەنگەتاو بوون و دەرکەوتووە بۆ یاریکردن بە کات تیرۆریستان دەنگۆکانی وەک "بەکارهێنانی چەکی کیمیایی" هەڵدەبەستن.

هەفتەی رابردوو کاتێک وەزیری بەرگریی تورکیا، خولوسی ئاکار لەگەڵ فەرماندەکانی یەکە سەربازییەکان لە رێگای ڤیدیۆ کۆنفرانسەوە کۆبوویەوە، گوتی: "گۆڕەپانی ئۆپەراسیۆنی چنگ-قفڵ زۆری نەماوە بەتەواوی کۆنترۆڵ بکرێت. زاپ لە تیرۆریستان پاک دەکەینەوە و بەم جۆرە تەواوی سنوورەکانمان ئارامی بە خۆیانەوە دەبینن".