پەسندکردنی ماددەکانی گۆڕانکاری دەستوور لە پەرلەمانی تورکیا

پەرلەمانی تورکیا

پەرلەمانی تورکیا ماددەی ١٢ی پێشنیاری گۆڕانکاری دەستوور بە کۆی دەنگی ٣٤٤ بەڵی و ١٣٣ نەخێر پەسند کرد.

کۆی گشتی ٤٨٢ پەرلەمانتار بەشداری لە دەنگدانەکە کرد و ماددەی ١٢ی پێشنیاری گۆڕانکاری دەستوور بە کۆی دەنگی ٣٤٤ دەنگی بەڵی و ١٣٣ دەنگی نەخێر پەسند کرا.

بە پێی ماددەکە، سەرکۆمار دەتوانێ لە بارەکانی "کارەساتی سرووشتی، راگەیاندنی شەڕ، ھەوڵدان لە دژی نیشتمان و کۆمار، سەرھەڵدانی توندوتژی بە مەبەستی تێکدانی ژیرازەی کۆمەڵایەتی"، باری نائاسایی رابگەیەنێت.

ماوەی باری نائاسایی شەش مانگ زیاتر ناخایەنێت.