چاوشئۆغڵو: "دەمانەوێت بە تەواوی ڤیزا لەگەڵ رووسیا ھەڵبگرین"

ئەنقەرە - AA

وەزیری دەرەوەی تورکیا، مەولود چاوشئۆغڵو لەبارەی پرسی ھەڵگرتنی ڤیزا لە نێوان تورکیا و رووسیا رایگەیاند، "رووسیا داواکاری ئێمە دەزانێت، دەمانەوێت بە تەواوی ڤیزا ھەڵبگرین".

مەولود چاوشئۆغڵو لە ١٠یەمین کۆنفرانسی باڵیۆزان لە شاری ئەنقەرە پایتەختی تورکیا گوتارێکی پێشکەش کرد و رایگەیاند کە پێداگر دەبن لە بەرەنگاربوونەوەی تیرۆر.

ھاوکات چاوشئۆغڵو لە وەڵامی پرسیارێکدا لەبارەی ھەڵگرتنی ڤیزا لە نێوان رووسیا و تورکیا رایگەیاند کە لە ھەنگاوی یەکەمدا ڤیزا لەسەر پیاوانی کار ھەڵدەگیرێت گوتی: "رووسیا داواکاری ئێمە دەزانێت، دەمانەوێت بە تەواوی ڤیزا ھەڵبگرین، تاکو ھاووڵاتیانمان بە بێ ڤیزا و رێگری بتوانن گەشت بکەن".

وەزیری دەرەوەی تورکیا لە بەشێکی دیکەی گوتارەکەیدا رایگەیاند کە جار بە جار بارگرژی لە نێوان تورکیا و یەکێتی ئەورووپا روودەدات بەڵام ھەرگیز تورکیا دوژمنایەتی ئەورووپای نەکردووە، بەڵکو تورکیا بەشێکە لە ئەندامی ئەو خانەوادەیە.