ئەفریقا.. تا ئێستا زیاتر لە ٤٠ هەزار کەس بەهۆی کۆرۆنا گیانیان لەدەستداوە

ئەبوجا- AA

ژمارەی ئەو کەسانەی تا ئێستا بەهۆی کۆرۆنا لە کیشوەری ئەفریقا گیانیان لەدەستداوە گەیشتووەتە، ٤٠ هەزار و ٢٨٩ کەس.

ماڵپەڕی "Worldometer" لە دوایین ئامارەکانی تایبەت بە کۆرۆنا لە کیشوەری ئەفریقا، ئەوەی خستوەتەڕوو کە لە میانی٢٤ کاتژمێری رابردوودا، نۆ هەزار و ٤٩٤ حاڵەتی نوێی تووشبوون بە کۆرۆنا تۆمار کراوە و ژمارەی تووشبووان گەیشتووەتە، یەک ملیۆن و ٦٧٤ هەزار و ٨٣٦ کەس.

هەروەها ژمارەی ئەو کەسانەی بەهۆی ڤایرۆسەکە گیانیان لەدەستداوە، ٢٩٨ کەس زیادیکردووە و گەیشتووەتە، ٤٠ هەزار و ٢٨٩ کەس.

تا ئێستاش زۆرترین حاڵەتی گیانلەدەستدان بە کۆرۆنا لە کۆماری باشووری ئەفریقا تۆمار کراوە کە ١٨ هەزار و ٦٥٦ حاڵەتە، دوای ئەویش هەریەکە لە میسر بە شەش هەزار و ١٤٢ حاڵەت و جەزائر بە سێ هەزار و ٢٧ حاڵەت دێن.

زۆرترین حاڵەتی تووشبوون بە ڤایرۆسەکەش هەر لە کۆماری باشووری ئەفریقا تۆمار کراوە کە ٧٠٦ هەزار و ٣٠٤ حاڵەت بووە، دوای ئەویش میسر بە ١٧٩ هەزار و سێ حاڵەت و مەغریب بە ١٠٥ هەزار و ٧٠٥ حاڵەت دێت.

لە لایەکی دیکەشەوە لە وڵاتی مۆریشیوس هیچ حاڵەتێکی کۆرۆنا نەماوە و لە وڵاتانی سیشێل و ئەریتریا هیچ حاڵەتێکی گیانلەدەستدان بە ڤایرۆسەکە تۆمار نەکراوە.

تا ئێستاش یەک ملیۆن و ٣٧٦ هەزار و ٥٩٩ تووشبووی کۆرۆنا لە کیشوەری ئەفریقا چاکبوونەتەوە.