ئەرمینیا بۆردومانی گوند و شارەکانی ئازەربایجان دەکات

باکو-AA

هێزەکانی ئەرمینیا، گوندەکانی تەرتەر، ئاغدام و ناوچەی فوزولی لە قەرەباغ بۆردومان دەکەن.

وەزارەتی بەرگریی ئازەربایجان لە راگەیەندراوێکدا ئەوەی ئاشکرا کرد هێزەکانی سوپای ئەرمینیا بەردەوامن لە بۆردومانکردنی شار و گوندەکانی ئازەربایجان.

لە راگەیەندراوەکەی وەزارەتی بەرگریی ئازەربایجاندا هاتووە "هێزەکانی سەربە سوپای ئەرمینیا، بە تۆپ و رۆکێت بۆردومانی شاری گەنجە، گوندەکانی تەرتەر، ئاغدام و ناوچەی فوزولی لە قەرەباغ دەکەن، ئەم پەلامارانەش لە خاکی ئەرمینیاوە ئەنجامدراون".

لای خۆشیەوە وەزیری بەرگریی ئازەربایجان لە راگەیەنراوێکدا ئاماژەی بەوە داو کە ئامانج لەو پەلامارانەی کە لە خاکی ئەرمینیا-وە کراونەتە سەر خاکی ئازەربایجان، بۆ فراوانکردنی ناوچەی پێکدادانەکانە.