بەرزبوونەوەی ئاستی گەشتوگوزار لەجیھاندا

مەدرید

 رێکخراوی جیھانی گەشتوگوزار کە بارەگای سەرەکی لەشاری مەدریدی ئیسپانیایە، راپۆرتی ھەشت مانگی ساڵی ٢٠١٣ی بڵاوکردەوە، بەگوێرەی ئەو راپۆرتە تورکیا، تایلەند و ھۆنگ کۆنگ سێ وڵاتی جیھانن کە داھاتی گەشتوگوزارییان زیادیکردووە.

رێکخراوی گەشتوگوزاری جیھانی رایگەیاند: ئەو وڵاتانەی کە لە ھەشت مانگی ساڵی ٢٠١٣دا بە بەراورد لەگەڵ ھەشت مانگی یەکەمی ساڵی ٢٠١٢ توانیویانە داھاتی گەشتوگوزاری خۆیان زیاد بکەن بریتین لە

- تایلەند ٢٧%

- ھۆنگ کۆنگ ٢٥%

- تورکیا ٢٢%

- ژاپۆن ١٩%

- بەریتانیا ١٨%

- یۆنان ١٥%

- ھیندستان ١٤%

- مالیزیا ١٢%

- ئەمریکا١١%

ئەو رێکخراوە لە بەشێکی دیکەی راپۆرتەکەیدا ئاماژەی بەوەداوە  بەھۆی گەشەسەندنی کەرتی گەشتوگوزار لە ئەوروپا، ئاسیا، ئاسیای رۆژھەڵات و رۆژھەڵاتی ناوەڕاست، بە بەراورد لەگەڵ ساڵی ٢٠١٢دا، رێژەی گەشتوگوزار لە ھەشت مانگی سەرەتای ساڵی ٢٠١٣دا بە رێژەی٥% زیادیکردووە.