ترەمپ ڕایگەیاند سبەی گفتوگۆ لەگەڵ پوتین دەکات

واشنتۆن - AA

سەرۆکی ئەمریکا، دۆناڵد ترەمپ ڕایگەیاند سبەی گفتوگۆ لەگەڵ سەرۆکی ڕووسیا، ڤلادیمێر پوتین دەکات.

لە کاتی چوونی بۆ فلۆریدا، ترەمپ لە ناو فڕۆکەکەیدا بۆ ڕۆژنامەنووسان دووا.

ترەمپ ڕایگەیاند: "هەتا ڕۆژی سێ شەممە ڕادەگەیەندرێت و دەیبینین کە شتێکمان هەیە یان نا. ڕۆژی سێ شەممە گفتوگۆ لەگەڵ سەرۆک پوتین دەکەم. کۆتایی هەفتە کارێکی زۆر کرا. دەمانەوێت ببینین کە دەتوانین کۆتایی بەم جەنگە بهێنین یان نا".

هەروەها ترەمپ باسی لەوە کرد کە لەگەڵ پوتیندا باس لە خاک و وێستگەکانی وزە دەکەن.