تەقینەوە و هێرشی چەکداریی بۆ سەر پەرستگایەکی هیندۆس و سیخ لە کابوڵ

کابوڵ - AA

لە کابوڵی پایتەختی ئەفغانستان، هێرشی بۆمبی و چەکداریی کرایە سەر پەرستگایەکی هیندۆس و سیخ.

وەزارەتی ناوخۆیی حکوومەتی تاڵیبان رایگەیاند کە لە ناوچەی پەروان لە کابوڵ هێرشی بۆمبی و چەکداریی کراوەتە سەر پەرستگای هیندۆس و سیخ.

لە راگەیەندراوەکەدا باس لەوە کراوە کە ئۆپەراسیۆن درێژەی هەیە بۆ لە چالاکی خستنی ئەنجامدەری هێرشەکە کە چووەتە نێو پەرستگاکەوە.

بەپێی گوتەی گەواهیدەران، هێرشەکە لە کاتێکدا ئەنجامدراوە کە ئەندامانی ئایینی هیندۆس و سیخ لە پەرستگاکەدا سەرقاڵی ئەنجامدانی رێوڕەسمێکی ئایینی بوون.