حزبوڵڵای لوبنان باکووری ئیسرائیلی بۆردومان کرد

بەیروت ــ AA

بە ئاراستەکردنی مووشەک لەلایەن حزبوڵڵای لوبنانەوە، ناوچەی کریۆت لە دەوروبەری شاری حەیفا باکووری ئیسرائیل بۆردومان کرا.

حزبوڵڵای لوبنان لە ڕاگەیاندراوێکدا ئاماژەی بەوەداوە کە چەکدارەکانیان بە ئاراستەکردنی ژمارەیەک مووشەک، ناوچەی کریۆت-یان لە دەوروبەری شاری حەیفا بۆردومان کردووە.

ئەمەش دوای ئەوەی دێت شەوی ڕابردوو سوپای ئیسرائیل ڕایگەیاندبوو کە لە لوبنانەوە ١٠ مووشەک، ئاراستەی شاری حەیفا کراون.

شاری حەیفا كە لە باکووری ئیسرائیلەوە بە ٤٠ کیلۆمەتر لە سنووری باشووری لوبنانەوە دوورە، بە گرنگترین ناوەندى پیشەسازی و بازرگانییەکانی ئیسرائیل دادەنرێت، ئەوەش بە ھۆی ئەوەی بەندریکی بازرگانیی لە شارەکەدا، ھەیە.