رووسیا: "سۆچی ئەڵتەرناتیڤی جنێڤ نیە"

نەتەوە یەکگرتووەکان - AA

نوێنەری هەمیشەیی رووسیا لە نەتەوە یەکگرتووەکان ڤاسیلی نەبەنزیا لەبارەی کۆبوونەوەکانی سۆچی کە بڕیارە کۆتایی ئەم مانگە ئەنجام بدرێت گوتی، "سۆچی ئەڵتەرناتیڤی جنێڤ نییە. بەڵکو بەقازانجی نەتەوە یەکگرتووەکانە و ئامانج ئەوەیە کە سەرۆکایەتی نەتەوە یەکگرتووەکان لە جنێڤ زیندوو بکرێتەوە".

ئەنجوومەنی ئاسایشی نەتەوە یەکگرتووەکان پێشهاتەکانی سووریایان لە دانیشتنێکی داخراودا تاوتوێ کرد.

نەبەنزیا دوای کۆبوونەوەکە وەڵامی پرسیاری رۆژنامەنووسانی دایەوەو باسی لەوە کرد کە پرسی رەققەیان باس کردووە و ئاماژەیان بەوە داوە کە دوای رزگار کردنی رەققە لەدەستی داعش، تەرمەکانی شارەکە رزیون و خەڵک تا ئێستا نەگەڕاونەتەوە ماڵ و حاڵیان، دووپاتیشی کردەوە کە دەبێت هەموو ئەوانەی بەشداربوون لە بەرەنگاری دژی تیرۆردا لەشارەکە، یارمەتی بدەن لە سەرلەنوێ بنیاتنانەوەی رەققە.

لەبارەی کۆبوونەوەکانی سۆچی کە بڕیارە لە کۆتایی ئەم مانگەدا لە رووسیا بەڕێوەبچێت لەژێر ناوی کۆنگرەی دیالۆگی نیشتیمانی سووریا، نەبەنزا گوتی، "سۆچی ئەڵتەرناتیڤی جنێڤ نییە. لەسۆچی، ئامانج ئەوەیە کە سەرۆکایەتی نەتەوە یەکگرتووەکان لە جنێڤ زیندوو بکرێتەوە".