سوپای ئێران مانۆڕ ئەنجام دەدات

ئیستانبوڵ-AA

سوپای ئێران لە گوندەواری پارێزگای ئورمیە باکووری رۆژئاوای ئێران نزیک سنووری لەگەڵ تورکیا و عێراق، مانۆرێکی ئەنجامدا.

لە راگەیەندراوێکدا کە سوپای ئێران لە ئینتەرنێت بڵاویکردۆتەوە ئاماژە بەوە کراوە کە فەرماندەیی هێزە وشکانییەکانی سوپای ئێران لە گوندەواری پارێزگای ئورمیە لەسەر سنوور لەگەڵ تورکیا-عێراق و بە دروشمی ''یەک ئامانج، یەک فیشەک'' مانۆڕێکیان ئەنجامداوە.

لە راگەیەندراوەکەدا ئاماژە بەوە کراوە کە مانۆڕەکە بە پاڵپشتی هەلیکۆپتەر و یەکەکانی پیادەی پشکنین ئەنجامدراوە.

پێشتر ئەنجامدانی مانۆڕێکی لەو شێوەیە بۆ رای گشتی ئاشکرا نەکرابوو، هیچ زانیاریەکیش بڵاونەکراوەتەوە دەربارەی وادەی تەواو بوونی مانۆڕەکە.