لێدوانی ترەمپ لەبارەی کوشتنی خاشقچی

واشنتۆن - AA

سەرۆکی ئەمریکا، دۆناڵد ترەمپ لەبارەی کوشتنی رۆژنامەنووس، جەمال خاشقچی گوتی: "لەوانەیە دەبێ گشت جیھان بە بەرپرسیار بزانرێ، چونکە جیھان شوێنێکی پیسە".

ترەمپ بەھۆی رۆژی سوپاسگوزاری لە لێدوانێکیدا بۆ رۆژنامەنووس لە ویلایەتی فلۆریدا وەڵامی پرسیارەکانی پەیوەندیدار بە کوشتنی خاشقچی لە کۆنسوڵخانەی سعوودیە لە شاری ئیستانبوڵ دایەوە.

ترەمپ بەرگری لەوە کرد کە تاکو ئێستا بەڵگەی پێویست نییە لە بەرامبەر تاوانبارکردنی شازادەی جێنشینی سعوودیە، محەمەد بن سەلمان لەبارەی کوشتنی خاشقچی و گوتیشی: "لەوانەیە دەبێ گشت جیھان بە بەرپرسیار بزانرێ، چونکە جیھان شوێنێکی پیسە".

لەبارەی بانگەشەکانی ئەوەی کە بن سەلمان لە پرسی کوشتنی خاشقچی ئاگادار بووە، ترەمپ رایگەیاند کە "لەوانەیە (بن سەلمان) دەیزانی یاخود نەیدەزانی".

ترەمپ گوتی: "نەفرەت لەم رووداوە دەکەم. نەفرەت لە شێوازی پەردەپۆشکردنی ئەو رووداوەش دەکەم. دەتوانم ئەوە بڵێم کە شازادەی جێنشین لەمن زیاتر نەفرەت لەم رووداوە دەکات".

لەلایەکی دیکەش، ترەمپ لەبارەی دەنگۆییەکانی ئەوەی کە رێکخستنی سی ئای ئەی گەیشتووەتە ئەو ئەنجامەی کە محەمەد بن سەلمان فەرمانی کوشتنی خاشقچی داوە گوتی: "رێکخستن گومانی ھەیە بەڵام ئەنجامێکی یەکلایکەرەوەی بەدەست نەگەیشتووە".