مه‌سرور بارزانی: "درێغی ناكه‌ین له‌ كه‌مكردنه‌وه‌ی ئازاری ئێزدییه‌كان"

هه‌ولێر-AA

مه‌سرور بارزانی پیرۆزبایی له‌ ئێزیدییه‌كان به‌بۆنه‌ی هاتنه‌وه‌ی جه‌ژنی جه‌ما ده‌كات.

به‌بۆنه‌ی هاتنه‌وه‌ی جه‌ژنی جه‌مای ئێزیدییه‌كان كه‌ هه‌موو ساڵێك رۆژی شه‌شی تشرینی یه‌كه‌م ده‌ست پێده‌كات په‌یامێكی پیرۆزبایی ئاراسته‌ی ئێزدییه‌كان ده‌كات.
لە پەیامەکەی سەرۆکی حکوومەتی هەرێمدا هاتووە: "بەبۆنەی جەژنی (جەمایێ) گەرمترین پیرۆزبایی ئاراستە خوشک وبرایانی کوردی ئێزیدی لە کوردستان و جیهان دەکەم. هیوادارم لە کەشێکی ئارام و پڕ لە خۆشیدا ئەم جەژنە بکەنەوە".

مەسرور بارزانی لە پەیامەکەیدا جەختی لەوە کردووەتەوە کە "خوشک وبرایانی ئێزیدى لە ساڵانی رابردوودا رووبەڕووی مەینەتی و رۆژانی سەخت بوونەوە. ئومێدەوارین لە ژێرسایەی کەشی بەیەکەوەژیانی ئاشتیانەی هەرێمی کوردستان ئەو رۆژە سەختانە تێپەڕێنن و حکومەتی هەرێمی کوردستانیش هەرچی لە توانایدا بێت درێغی ناکات بۆ کەمکردنەوەی ئێش و ئازارەکانیان و قووڵترکردنەوەی گیانی بەیەکەوەژیان و تەبایی نێوان پێکهاتە ئاینی و نەتەوەییەکانی هەرێمی کوردستان".