سینا
سەرچاوەیەکی ئەمنی میسر رایگەیاند بەرەبەیانی ئەمڕۆ سەیارەیەکی مینرێژکراو خۆی بە سەیارەیەکی سەربازی سوپای میسری لە نیمچە دوورگەی سینا باکووری رۆژھەڵاتی ئەو وڵاتە تەقاندەوە و لە ئەنجامدا ٧ سەرباز کوژران و ژمارەیەکی دیکەش برینداربوون.
سەرچاوەکە ئاشکراشیکرد ژمارەیەکی زۆری سەربازانی سوپای میسر لەناو ئەو سەیارەدابوون کە بۆ شاری عەریشی باکوری سینا دەگوازرانەوە.
تا ئێستا فەرماندە سەربازیەکان و پۆلیسی میسر ھیچ لێدوان و زانیاریەکیان لەبارەی ئەو تەقینەوە ئاشکرا نەکردووە.
