نێچیرڤان بارزانی: "زۆر خەمبارم بە كۆچی دوایی ئەلیزابێسی دووەم"

هەولێر - AA

سەرۆکی هەرێمی کوردستان، نێچیرڤان بارزانی خەمباری خۆی بۆ كۆچی دوایی شاژنی بەریتانیا، ئەلیزابێسی دووەم راگەیاند.

نێچیرڤان بارزانی لە پەیامێکدا کە لە هەژماری تایبەتی خۆی لە تۆڕی کۆمەڵایەتیی تویتەر بە زمانی ئینگلیزی بڵاوی کردووەتەوە، نووسیوویەتی "زۆر خەمبارم بە كۆچی دوایی شاژنە ئەلیزابێسی دووەم، بیر و نزاکانم لەگەڵ بنەماڵەی شاهانە و گەلی بەریتانیادایە لەم کاتە سەختەدا".

ئێوارەی ئەمڕۆ پێنجشەممە، شاژنی به‌ریتانیا، ئێلیزابێسی دووه‌م له‌ ته‌مه‌نی ٩٦ ساڵیدا لە کۆشکی بالمۆرال لە سکۆتلاند کۆچی دوایی کرد.

I am deeply saddened by the passing of Her Majesty Queen Elizabeth II. My thoughts and prayers are with the Royal Family, and the people of the United Kingdom during this difficult time.

— Nechirvan Barzani (@IKRPresident) September 8, 2022