پشتیوانی ھاوپەیمانی نیشتمانی سووریا لە ئاگربەست

ھاوپەیمانی نیشتمانی ھێزەکانی شۆڕشگێر و ئۆپۆزسیۆنی سووریا رایگەیاند کە پشتیوانی لە ئاگربەستی سووریا دەکەن کە لە ژێر چاودێری رووسیا و تورکیا، بڕیارە دوای نیوەی ئەمشەو بخرێتە بواری جێبەجێ کردنەوە.

ھاوپەیمانی نیشتمانی ھێزەکانی شۆڕشگێر و ئۆپۆزسیۆنی سووریا بە نووسراوێک سوپاسی گشت ئەو لایەنانە کرا بە تایبەتی تورکیا کە ھەوڵیان بۆ دەستەبەرکردنی ئاگربەستەکە داوە و داواش کرا کە گشت لایەنەکانی سووریا پابەندی ئەم ئاگربەستە ببن.

لە راگەیەنراوەکەدا ئاماژە بەوە کرا کە سوپای سووریای ئازاد پابەندی ئاگربەستەکە دەبێت و بەڵام بێ ھەڵوێستیش نابێت لە وەڵامدانەوەی پێشێلکارییەکانی ھێزەکانی ئەسەد و ئێران.

وەزارەتی دەرەوەی تورکیا رایگەیاندبوو کە ئاگربەستی لە نێوان لایەنەکانی سووریا راگەیەنراوە و بڕیاریشە دوای نیوەی ئەمشەو بخرێتە بواری جێبەجێ کردنەوە.