پەیوەندی تەلەفۆنیی جۆ بایدن و محەمەد بن زاید

نیویۆرک - AA

سەرۆکی ئەمریکا، جۆ بایدن لە میانی پەیوەندییەکی تەلەفۆنییدا لەگەڵ جێنشینی ئەبوزەبی، محەمەد بن زاید ئال نهەیان پرۆسەکانی گواستنەوەی لە ئەفغانستان تاوتوێ کرد.

بەگوێرەی راگەیەندراوێک کە لەلایەن کۆشکی سپییەوە بڵاوکراوەتەوە، جۆ بایدن بۆ پشتیوانییەکانی ئیمارات لە پرۆسەکانی گواستنەوە کە لە کابول درێژەیان هەیە، سوپاسی محەمەد بن زاید-ی کردووە.

لە پەیوەندییە تەلەفۆنییەکەدا، هەردوو سەرکردە هاوڕابوون لەسەر پێکەوە کارکردن لە بەرەنگاربوونەوەی کێشە هەرێمیی و جیهانییەکان.

لەلایەکی دیکەوە، جۆ بایدن لە پەیوەندیەکی تەلەفۆنییدا لەگەڵ سەرۆکوەزیرانی ئیسپانیا، پێدرۆ سانچێز دوایین پێشهاتەکانی ئەفغانستانی تاوتوێ کرد.