ژمارەی کوژراوانی سوپای ئیسرائیل گەیشتە ٢٢٠ سەرباز

قودس – AA

سوپای ئیسرائیل، ناوی ٣١ ئەفسەر و سەربازی دیکەی خۆی بڵاوکردەوە کە لە میانی شەڕ و پێکدادانەکان لەگەڵ چەکدارە فەڵەستینییەکاندا، کوژراون.

سوپای ئیسرائیل لە ڕاگەیەندراوێکدا ئاماژەی بەوەداوە کە ڕێگای داوە ناوی ٣١ ئەفسەر و سەرباز کە لە ڕۆژی ٧ی ئەم مناگەوە شەممە لە شەڕ و پێکدادانەکان لەگەڵ چەکدارە فەڵەستینییەکاندا کوژراون بڵاو بکرێتەوە، ئاماژەی بەوەشداوە کە کەسوکاری سەربازە کوژراوەکان ئاگادارکراونەتەوە.

بەوەیش ژمارەی کوژراوانی سوپای ئیسرائیل بەرزبووەوە بۆ ٢٢٠ سەرباز کە ژمارەیەکیان ئەفسەرن.