کۆبوونەوەی وەزیرانی گواستنەوەی تورکیا و ئێران

ئەنقەرە - AA

وەزیری گواستنەوە و ژێرخانی تورکیا، عەبدولقادر ئوراڵئۆغڵو لەگەڵ وەزیری ڕێگاوبان و شارسازی ئێران، فەرزانە سادق کۆبووەوە.

سەرەتا هەردوو وەزیرەکە لە وەزارەتی گواستنەوە و ژێرخان کۆبوونەوە و، پاشان کۆبوونەوەی نێوان شاندەکان ئەنجام درا.

ئوراڵئۆغڵو باسی لەوە کرد کە هاوڕان لەسەر گەیاندنی توانای گواستنەوەی هێڵی ئاسنین بۆ یەک ملیۆن تۆن و، ڕایگەیاند: "لە ٢٠ی شوباتدا دەست دەکەین بە فرۆشتنی بلیتی شەمەندەفەرەکانی گەشتیاری وان-تاران".

هەروەها ئوراڵئۆغڵو باسی لەوە کرد لە کۆبوونەوەکەدا باسیان لەو ڕێگایانە کردووە کە لە گواستنەوەی ڕێگای وشکانییدا زیاتر پراکتیکین و، ڕایگەیاند: "باسمان لەوە کرد کە چۆن باجی دوولایەنی هەڵگرین. شاندەکانمان کۆبوونەوە و بڕیارمان دا چارەسەری کردەیی بۆ هەندێک پرس بدۆزینەوە".